مدونه وسنه جديده لي :$

السلام عليكم تم فتح هذه المدونه بتاريخ 1435 / 3 / 18  بالعاده يستهويني التدوين , واستمتع وانا اقرى بالمدونات مثل مدونه هوني - قورجس - طيري والسما بلادك تلهمني جدا جدا جدا , فـقررت اسوي مدونه يمكن ألهم احد غيري , او افيد , او اسلي غيري  كل حكياتي بدأت عندما قرأت حديث الحبيب .. رواه الترمذي من حديث بن مسعود عن النبي صلى الله عليه وسلم أنه قال : ” لا تزول قدم بن آدم يوم القيامة من عند ربه حتى يسأل عن خمس عن عمره فيم أفناه وعن شبابه فيم أبلاه وماله من أين اكتسبه وفيم أنفقه وماذا عمل فيما علم “ وقفت بيني وبين نفسي مصدومة .. يا الله ! يعني كل الكتب اللي قرأتها وكل المعلومات اللي أعرفها ما بتنفعني ؟ ! ومن هنا جائت شرارة التغيير قررت نشر كل ماتعلمته وكل محتوى كتاب مفيد قرأته .. هذآ كلآم لـ أختي هوني - تعمق فيني وخلاني افكر ايش اسوي ابي اجرب هالشعور , أبي احس اني قدمت شي لاحد لو حتى بمعلومه بسيطه اد الفتفوته  ماراح استقل من قدر المعلومه مهما كانت سوا بالفآشن ولآ بالتصوير ولا بالأماكن ولا العنايه الشخصيه < هذي اشياء تستهويني علشان كذآ كتبتها  - قبل شهر تقريبآ بتاريخ 22 / 2 كان يوم ميلآدي دخلت ال20 , أنا إنسانه يهمني كل مادخلت حقبه جديده بعمري انآظر وش سويت لإني لو ماناظرت رآح يمر عمري وانا على حطت يدي ! ! جلست افكر وش سويت بعشر سنوات اللي راحت و " نحذف العشره الاولى " أشياء افتخر إني سويتها , والحمدلله تذكرت إني ختمت القران فيها وراجعته وسويت جلسة تصوير لأطفال باحدى البازارات و اشتركت بمعرضين لتصوير هالأشياء حمستني اخطط وحبيت اركز على هالسنه بالتحديد - لإني لو ماخططت مآراح انجز شي أبدا  وبدون توثيق رآح تنسين , او يخف عزمك فـ توثيق شي مهم لو ودك تنجزين شي , قبل كنت اكتبها بنوته , بس غيرت هالمره وكتبتها بتطبيق وكتبت لسته بـتطبيق بالأيفون اسمه " easy note " ظريف جدا يرتب لك الآشياء اللي تبينها سوا على مدى أسبوعي او شهري أو سنوي المهم كتبت الأشياء اللي ابغى احققها هالسنه وبإذن الله راح احط عليها أكس كلهاا  < قمة الإجابيه  وبمـا أن الإيجآبيه عاليه عندي وابي اعليها زياده , سويت هالخلفيه لسطح المكتبأبي كل مافتح اللاب توب يجيني طآقه إيجآبيه , و دفعه معنويه  المقوله لـ غسان كنفاني  المقصود من المدونه غير المقدمه طبعا هههههه  مهم جدا بكل سنه تحطين لك اهداف حتى لو بسيطه , اهم شي ودك فيها تخططين لها + توثقينها مشآن تعملين لهآ .  واخيرآ بالتوفيق للجمييع