انا احب تخصصي :$

السلام عليكم / مساءكم سعادهـ 
هالبوست ماراح اتكلم عن جدول ولا عن خلطه للبشره او شي انا ناويه اسويه 
بتكلم من القلب للقلب , بكلام بسيط جدا 
عن شي يمكن الاغلبيه ماجربه :
الحين من فيكم اشتغل بشي يحبه , او دخل شي يبيه " بالتخصص " ! 
وحده من اخواتي اشتغلت مدرسه وتقول لي مالقى نفسي بالتدريس احسه طفش احس واحس واحس ! 
كنت استغرب منها واقول لهـآ اهم شي تشتغلين ويجيك راتبك وخلصنـا 
بس من بعد مادخلت للانجليزي فهمت كلامهـا , مقارنه بيوم اني كنت باصول دين كنت دايم اغيب
واذا حضرت اهوجس بالكلاس وماكون منتبه كلياَ مع التيشتر .
مع ان كان دوامي من 7 ونص الى 11 ونص الا اني احسه طويييييييييييل عكس بالانجليزي
دوامي من 7 ونص الى 1 ونص وماحس فيه ابد 
طبعا صرت ماغيب الا ماندر واكون منتبه مع التيتشر ومستمتعه لاقصى حد 
حسيت وش كانت اختي تقصد !!
الحين فيه ناس يدخلون اقسام او يشتغلون بشي مايحبونه , اسم انهم يشتغلون 
طيب متى تجدين نفسك ؟ 
متى تحسين بالمتعه الى نشوفها بالافلام , اذا الشخص صحى من النوم يقوم متحمس 
لانه شغله هو كل حياته , يحبه .. يبي يبدع فيه يبي يثبت وجودهـ .
خليكم من الحياة الاعتياديه انك تشتغلين او تدرسين علشان تاخذين الشهاده وبس ! 
لا ادرسي علشان هالشي يستهويك ولا تشتغلين بشي الا وانتي حابته وراغبه فيه . 
" الحياة نعيشها مره فياليت نقضيها بشي نستمع فيه ونحبه "
" تدوينه جت بسرعه " :$ 
see u

جدولي لتنظيم الوقت , يلا ننجز :$ .. ~

السلام عليكم , مسائكم / صباحكم سعاده 
من زمان مانزلت بوست , بس والله انشغلت ووقتي ماصار فيه بركه 
ومشاان هيك قررت اسوي جدول , الجدول من 3 شهور مسويته وعلى اساس اني بطبعه 
بس كل مره ياانسى ولا اتعيجز ولا انشغل , والسبب انو خلاص اقول ياماني ترا زودتيها 
وبلغ السيل الزبى !!! 
اني قد رديت على وحده باقلاع تبي تنظم وقتها وكذا وعطيتها جدول , وجوني اكثر من 5 بنات يبون الجدول 
وارسلته لهم بالخاص , وقبل 5 ايام تقريبا قيمتني وحده وقالت انو ابي الجدول وكذا فقلت انو ضروري اني انزل 
بوست عنه ابي الكل يستفيد منه ويطرح الله باوقاتهم البركه  

الجدول مسويته علشان ارتب وقتي ومابي يضيييع وقتي ياعلى الجوال ولا اللاب واشياء مالها داعي . 
فالتنظيم شي مهم جدا اذا انتي تبين تنجزين  , وفي فكره كل ماجت ببالي اعزم على الجدول زياده وزياده 
اللي هي انو مابي اذا كبرت اناظر لشبابي واشوف اني مانجزت شي , خاصه ان الشباب قمة النشاط والحركه 
ليه اخرب على نفسي وماستفيد بوقتي خاصه اني لاحقه على الراحه اذا عجزت لوول < تفكير منطقي 
الزبده اني بانتظم على الجدول وبكافئ نفسي اخر الاسبوع بإذن الله اذا شفت ان اغلبه حطيت عندهـ " صح "
وان شاء الله اضيف اشياء للجدول علشان انجز زياده وزياده ومنها تغير 




هذاا هو الجدول , طبعا زيت لشعر مرتين بالاسبوع وماجاز لي بصراحه شكلي بحط شي بداله لانو مو يومي  ّ! 



هذا الجدول بصيغة الوورد تقدرون تعدلون عليه , وابي اذكر شي " انو مقتبسه الفكره من اختي هوني "
حفظ للحقوق يعني  
بالله عليكم مو شـاطره , عندي امانه فكريه 
يلآ see you son , 

كود بلغة HTML:

http://arabsh.com/files/0c33404364f4/الجدول-docx.html